കുഞ്ഞിന് ഇപ്പോഴും മുലപ്പാല്‍തന്നയല്ലേ നല്‍കുന്നത്. മിനിമം ഒരു വയസുവരെയെങ്കിലും മുലപ്പാല്‍ നല്‍കുന്നത് മാനസികമായും ശാരീരികമായുമുള്ള വളര്‍ച്ചയ്ക്ക് കൂടുതല്‍ ഉപകരിക്കും. ഇതിന് പകരംവെയ്ക്കാന്‍ ഒന്നുമില്ലെന്ന് ഓര്‍ക്കുക. മുലപ്പാല്‍ നന്നായി കുടിക്കുന്ന കുഞ്ഞിന്റെ നാവില്‍ പൂപ്പല്‍പോലെ ചില വസ്തുക്കള്‍ പറ്റിപ്പിടിച്ചിരിക്കുന്നതുകാണാം. വിരലുകൊണ്ടോ വിരലില്‍ ചുറ്റിയ തുണികൊണ്ടോ അവ ഇടയ്ക്കിടെ വൃത്തിയാക്കണം. ഒരു വയസിനുശേഷം നമ്മള്‍ നാവു വടിക്കുന്നതു കാണിച്ചുകൊടുത്താല്‍ കുട്ടിയും അത് അനുകരിക്കാന്‍ ശ്രമിക്കും. ഒന്നര-രണ്ടുവയസ്സോടെ പ്ലാസ്റ്റിക് ടങ് ക്ലീനര്‍ ഉപയോഗിച്ച് കുട്ടിക്ക് സ്വന്തമായി നാവു വൃത്തിയാക്കാന്‍ കഴിയും.
വീട്ടിലുണ്ടാക്കുന്ന പലഹാരങ്ങള് (ദോശ, ഇഡ്ഡലി, പുട്ട്) കുഞ്ഞിന് ഇഷ്ടമാണെങ്കില് അവ നല്കുന്നതില് ഒരു കുഴപ്പവുമില്ല. ..
