മുടിയുടെ രോഗങ്ങള്‍
ട്രൈക്കോ ഷൈസിസ് (Trichoschisis):
മുടിനാരില്‍ (hair shaft) ചെറിയ പൊട്ടലുകള്‍ ഉണ്ടാകുന്നതാണ് രോഗം. മുടിയിലെ സള്‍ഫറിന്റെ അംശം കുറയുന്നതാണ് കാരണം.
ട്രൈക്കോറെക്‌സിസ് ഇന്‍വാജിനേറ്റ (Trichorrhexis Invagi-nata):
തലമുടിയുടെ തണ്ടില്‍ (Shaft) ഇടയ്ക്കിടെ തടിപ്പുകളുണ്ടാക്കുന്ന രോഗമാണിത്. ബാംബൂ ഹെയര്‍ (Bamboo hair) എന്ന പേരിലും ഈ രോഗം അറിയപ്പെടുന്നു.
പൈലിടോര്‍ട്ടി (Pili Torty):
മുടിനാര് പരന്നുപോവുകയും സ്വയം ചുറ്റിപ്പിണയുകയും ചെയ്യുന്ന രോഗം.
മോണിലെത്രിക്‌സ് (Monilethrix):
മുടിയില്‍ അവിടവിടെ തടിപ്പും കുഴിയും പ്രത്യക്ഷപ്പെടുന്ന ഒരു ജനിതക രോഗമാണിത്.
ട്രൈക്കോറെക്‌സിസ് നോഡോസാ (Trichorrhexis Nodosa):
അമിതമായ ബ്രഷിങ്, പരുപരുത്ത ടൗവല്‍കൊണ്ട് ശക്തമായി തുവര്‍ത്തുക തുടങ്ങിയ ശീലങ്ങളുണ്ടാക്കുന്ന പ്രശ്‌നമാണിത്. സിഗററ്റു വലിക്കുന്നവരുടെ മീശരോമത്തിലും ഇതുപോലെ കാണാം. മുടിയുടെ അറ്റം വെളുത്ത് കായ് പോലിരിക്കും.
ട്രൈക്കോറ്റോളിസ് (Trichoptlosis):
മുടിയുടെ അഗ്രം പിളരുന്ന രോഗം. ഇത് മുടിയെ തീരെ ശ്രദ്ധിക്കാത്തതിനാലും ഉണ്ടാവാം.
പ്ലൈക്കാ ന്യൂറോപതിക്ക (Polica Neuropathica):
ചുരുണ്ടുവളഞ്ഞ് അവിടവിടെ കട്ടികൂടുകയും ജടപിടിക്കുകയും ചെയ്യുന്ന മുടി. മാനസികരോഗമുള്ളവരിലാണ് ഇങ്ങനെ കാണുന്നത്.
ഡോ. നന്ദിനിനായര്‍
ബ്ലൂം, സെന്റര്‍ ഫോര്‍ സ്‌കിന്‍, ഹെയര്‍ ആന്‍ഡ് കോസ്മറ്റോളജി
വാരിയംറോഡ്, കൊച്ചി
ഏതാണ്ട് നൂറു മുടികള്വരെ ഒരുദിവസം കൊഴിഞ്ഞുപോകുന്നത് സാധാരണമാണ്. അതില് കൂടുമ്പോള് മാത്രമാണ് സവിശേഷശ്രദ്ധ ..
