സാധാരണ സങ്കീര്ണ്ണമല്ലാത്ത കേസുകളില് രോഗനിര്ണ്ണയത്തിനുശേഷം അപ്പന്ഡിക്സ് നീക്കുന്നതിനുള്ള ചെറു ശസ്ത്രക്രിയയായ അപ്പന്ഡെക്ടമി നിര്ദ്ദേശിക്കുകയാണ് ചെയ്യാറ്. പക്ഷേ ഇത് വയറ് തുറന്നുള്ള ശസ്ത്രക്രിയ ആയതിനാല് ഓപ്പറേഷന്റെ സാമാന്യം വലിയ പാട് വയറ്റത്ത് അവശേഷിക്കും. എന്നാല് ചെറിയ മുറിവുണ്ടാക്കി അതിലൂടെ കാമറ കടത്തി ചെയ്യുന്ന ലാപ്രോസ്കോപ്പിക് സര്ജറി ചെയ്താല് ഈ ബുദ്ധിമുട്ട് ഒഴിവാക്കാനാവും.
ശസ്ത്രക്രിയ ചെയ്യുമ്പോള് അപ്പന്ഡിക്സ് നോര്മലാണെങ്കില് അപ്പന്ഡിക്സ് നീക്കിയ ശേഷം വയറ് വേദനയ്ക്ക് മറ്റുവല്ലകാരണങ്ങളുണ്ടോ എന്നുകൂടി നോക്കും. സി റ്റി സ്കാനിങ്ങില് പൊട്ടിയ അപ്പന്ഡിക്സില് പഴുപ്പുണ്ടെന്ന് കണ്ടെത്തിയാല് ചികില്സയിലൂടെ അണുബാധയും വീക്കവും മാറ്റിയശേഷമായിരിക്കും അപ്പന്ഡിക്സ് നീക്കം ചെയ്യുക.