കൂട്ടബലാത്സംഗം പ്രായോഗികമാണോ: മുലായം

ലക്‌നൗ : നാലുപേര്‍ ചേര്‍ന്ന് ബലാത്സംഗം നടത്തുകയെന്നത് പ്രായോഗികമല്ലെന്ന് സമാജ് വാദി പാര്‍ട്ടി നേതാവ് മുലായം സിങ് യാദവ്.

ഒരാള്‍ നടത്തുന്ന ബലാത്സംഗങ്ങളും കൂട്ടമാനഭംഗമായാണ് റിപ്പോര്‍ട്ട് ചെയ്യപ്പെടുന്നത്. അത് പ്രായോഗികമാണോ? ഒരാള്‍ കണ്ടുനിന്നു, മറ്റൊരാള്‍ അവിടെയുണ്ടായിരുന്നു എന്നൊക്കയല്ലേ ഇരകള്‍ പറയൂവെന്നും മുലായം ചോദിച്ചു.

ഏതെങ്കിലും സംസ്ഥാനത്ത് കുറഞ്ഞ മാനഭംഗനിരക്ക് ഉണ്ടോയെന്നും അദ്ദേഹം ചോദിച്ചു. ചൊവ്വാഴ്ച ലക്‌നൗവില്‍ സൗജന്യ ഇ- റിക്ഷ പദ്ധതി ഉദ്ഘാടനം ചെയ്യുകയായിരുന്നു അദ്ദേഹം.

മുലായത്തിന്റെ വാക്കുകള്‍ രാജ്യവ്യാപകമായി പ്രതിഷേധത്തിന് ഇടയാക്കിയിട്ടുണ്ട്.