തിരുവനന്തപുരം: മദ്യനയം സംബന്ധിച്ച ഹൈക്കോടതി വിധി സര്‍ക്കാര്‍ നയത്തിന്റെ വിജയമാണെന്ന വാദം പരിഹാസ്യമാണെന്ന് സി.പി.ഐ. സംസ്ഥാന സെക്രട്ടറി കാനം രാജേന്ദ്രന്‍ പ്രസ്താവിച്ചു. ബാറുടമകളുമായി ഒത്തുകളിച്ച സര്‍ക്കാരിനേറ്റ തിരിച്ചടിയാണ് കോടതിവിധി. നിയമയുദ്ധത്തില്‍ സര്‍ക്കാര്‍ഭാഗം പരാജയപ്പെടണമെന്നും ബാറുടമകള്‍ വിജയിക്കണമെന്നുമായിരുന്നു മന്ത്രിമാര്‍ ആലോചിച്ചത്. ഈ കോടതി വിധിയോടെ കോടികള്‍ കൈമാറിയതിന്റെ പുതിയ കഥകള്‍ പുറത്തുവരുമെന്നും കാനം പറഞ്ഞു.
ബാര്‍ കോഴ കയത്തില്‍ മൂക്കറ്റം മുങ്ങിനില്‍ക്കുന്ന ധനമന്ത്രി കെ.എം. മാണിയും എക്‌സൈസ് മന്ത്രി കെ. ബാബുവും ഒരു നിമിഷംപോലും അധികാരത്തില്‍ തുടരരുതെന്നും കാനം ആവശ്യപ്പെട്ടു.