രണ്ടു ബഹിരാകാശ ഗവേഷകരെ 2015-ഓടെ ചന്ദ്രനിലെത്തിക്കുകയാണ് ഐ.എസ്.ആര്‍.ഒ.യുടെ ലക്ഷ്യമെന്ന് ചെയര്‍മാന്‍ മാധവന്‍നായര്‍ പറഞ്ഞു. ഭാരിച്ച പണച്ചെലവുള്ള ഈ പദ്ധതി സര്‍ക്കാറിന്റെ അനുമതി കാക്കുകയാണെന്നും അദ്ദേഹം വ്യക്തമാക്കി.തികച്ചും തദ്ദേശീയമായ സാങ്കേതികവിദ്യകള്‍ പ്രയോജനപ്പെടുത്തി മനുഷ്യനെ ചന്ദ്രനിലെത്തിക്കാനാണ് ഐ.എസ്.ആര്‍.ഒ. ഉദ്ദേശിക്കുന്നത്. പദ്ധതിക്ക് ഇതിനകംതന്നെ ബഹിരാകാശ കമ്മീഷന്റെ അനുമതിയായിട്ടുണ്ട്. ഏതാണ്ട് 12,000 കോടി രൂപയാണ് ചെലവ് പ്രതീക്ഷിക്കുന്നത്.