പാവറട്ടി: പാവറട്ടിയുടെയും പൂവത്തൂരിന്റെയും തെരുവോരങ്ങളില് ഓണാഘോഷത്തിന്റെ ലഹരി നിറയ്ക്കാന് പുലിക്കൂട്ടങ്ങളിറങ്ങി.
താളത്തിനൊത്ത് ചുവടുവെച്ച്, അരമണികിലുക്കി എത്തിയ പുലികളെ കാണാന് ജനം തിങ്ങിക്കൂടി. തൃശ്ശൂര് കാനാട്ടുകര ദേശം പുലികളോടൊപ്പം കുട്ടിപ്പുലികളും ഉണ്ടായിരുന്നു.
പുലികള്ക്ക് അകമ്പടിയായി കുമ്മാട്ടിയും തെയ്യവും പൂക്കാവടികളുമുണ്ടായിരുന്നു.
ഓണത്തെ വരവേല്ക്കാന് കളേഴ്സ് പാവറട്ടി ക്ലബ്ബാണ് പുലിക്കളിയും സാസ്കാരിക ഘോഷയാത്രയും സംഘടിപ്പിച്ചത്. പാവറട്ടി പഞ്ചായത്ത് പ്രസിഡന്റ് വിമല സേതുമാധവന് ഉദ്ഘാടനം ചെയ്തു.
എളവള്ളി പഞ്ചായത്ത് പ്രസിഡന്റ് സി.എഫ്. രാജന് അധ്യക്ഷനായി. പൂവത്തൂരില് നിന്നാരംഭിച്ച പുലിക്കളിയും ഘോഷയാത്രയും പാവറട്ടി ബസ് സ്റ്റാന്ഡില് സമാപിച്ചു. തുടര്ന്ന് ഫാന്സി വെടിക്കെട്ടുമുണ്ടായി.
