ആദ്യ നിക്ഷേപം അപേക്ഷാ ഫോമിനൊപ്പം നല്‍കണം. ടയര്‍ 1 അക്കൗണ്ടില്‍ പ്രതിവര്‍ഷം 6000 രൂപയാണ് അടയ്‌ക്കേണ്ടത്. 500 രൂപയുടെ മാസതവണകളായും അടയ്ക്കാം. എപ്പോള്‍ എത്ര തുകവീതം നിക്ഷേപിക്കണമെന്ന് നിക്ഷേപകന് തീരുമാനിക്കാം. പരമാവധി എത്ര തുകവേണമെങ്കിലും ആകാം.

1000 രൂപ അടച്ചാണ് ടയര്‍ 2 അക്കൗണ്ട് തുറക്കേണ്ടത്. സാമ്പത്തിക വര്‍ഷത്തിന്റെ അവസാനം 2000 രൂപ മിനിമം തുക അക്കൗണ്ടില്‍ ഉണ്ടാകണമെന്ന് മാത്രമേ നിര്‍ബന്ധമുള്ളൂ. മിനിമം തുക ഉണ്ടായില്ലെങ്കില്‍ അക്കൗണ്ട് നിര്‍ജീവമാകും. 100 രൂപ പിഴയടച്ച് 500 രൂപ നിക്ഷേപം നടത്തി അക്കൗണ്ട് പുനരുജീവിപ്പിക്കാം. പണം തീരെ ഇല്ലാതായാല്‍ അക്കൗണ്ട് ഇല്ലാതാകും.