ന്യൂഡല്‍ഹി: റെയില്‍വെ ബജറ്റില്‍ കേരളം വര്‍ഷങ്ങളായി കാത്തിരുന്ന പാലക്കാട് ജില്ലയിലെ കഞ്ചിക്കോട് റെയില്‍വെ കോച്ച് ഫാക്ടറി ഒടുവില്‍ യാഥാര്‍ഥ്യമാകുന്നു. മമത ബാനര്‍ജി ഇന്ന് അവതരിപ്പിച്ച ബജറ്റില്‍ കോച്ച് ഫാക്ടറി ഈ വര്‍ഷം തന്നെയുണ്ടാകുമെന്ന ഉറപ്പും മന്ത്രി നല്‍കിയിട്ടുണ്ട്. പാലക്കാട് ഡിവിഷന്‍ വെട്ടിമുറിച്ച് സേലം ഡിവിഷന്‍ രൂപവല്‍ക്കരിച്ചപ്പോള്‍ അന്ന് റെയില്‍വെ മന്ത്രിയായിരുന്ന ലാലുപ്രസാദ് യാദവാണ് കേരളത്തിന് കോച്ച് ഫാക്ടറി അനുവദിച്ചത്. എന്നാല്‍ പിന്നീടുവന്ന ബജറ്റുകളില്‍ ഇതിന് തുക വകയിരുത്തിയിരുന്നില്ല.

കോച്ച് ഫാക്ടറി കിട്ടിയപ്പോള്‍ നീണ്ടകാലമായുള്ള മറ്റൊരു ആവശ്യമായിരുന്ന തിരുവനന്തപുരം ആസ്ഥാനമായുള്ള പെനിന്‍സുലാര്‍ സോണ്‍ എന്ന ആവശ്യം നടപ്പായില്ല. അതേ പോലെ അയല്‍സംസ്ഥാനങ്ങളായ തമിഴ്‌നാട്, കര്‍ണാടകം ആന്ധ്ര എന്നവയെ ബന്ധിപ്പിച്ചുള്ള ദക്ഷിണ ചരക്ക് ഇടനാഴിയില്‍ കേരളത്തെ ഉള്‍പ്പെടുത്തിയുമില്ല. കേരളത്തിലെ പ്രതിപക്ഷ എം.പിമാര്‍ ബജറ്റ് അവതരണവേളയില്‍ തന്നെ കേരളത്തെ ഉള്‍പ്പെടുത്താത്തതിലുള്ള പ്രതിഷേധം പ്രകടിപ്പിക്കുകയും ചെയ്തു