ഒറ്റപ്പാലം: ഒന്നരക്കിലോ കഞ്ചാവുമായി യുവാവിനെ ഒറ്റപ്പാലം പോലീസ് അറസ്റ്റ് ചെയ്തു. തൃശ്ശൂര്‍ ദേശമംഗലം പള്ളം കോഴിക്കാട്ടില്‍ ഷന്‍ഫീറിനെയാണ് (30) അറസ്റ്റ് ചെയ്തത്. മായന്നൂര്‍പ്പാലം കവലയിലെ ബസ്സ്‌റ്റോപ്പില്‍നിന്ന് സംശയാസ്പദമായ സാഹചര്യത്തില്‍ ഷന്‍ഫീറിനെ കാണുകയായിരുന്നു. തുടര്‍ന്നുനടത്തിയ പരിശോധനയില്‍ കൈയിലുണ്ടായിരുന്ന പ്ലാസ്റ്റിക് കവറില്‍നിന്നുമാണ് കഞ്ചാവ് കിട്ടിയത്. ഒറ്റപ്പാലം എസ്.ഐ. ടി.സി. മുരുകന്റെ നേതൃത്വത്തിലുള്ള സംഘം നടത്തിയ പരിശോധനയിലാണ് അറസ്റ്റ്. 1,152 ഗ്രാം കഞ്ചാവ് ഇയാളില്‍നിന്ന് ലഭിച്ചു. കോടതിയില്‍ ഹാജരാക്കി.