റോം: പന്നിപ്പനിക്കു കാരണമായ എച്ച്1എന്‍1 വൈറസ് പന്നിയിറച്ചിയില്‍ കണ്ടെത്തിയിട്ടില്ലെന്ന് ഐക്യരാഷ്ട്രസഭയുടെ ഭക്ഷ്യ-കാര്‍ഷിക സംഘടന (എഫ്.എ.ഒ.) അറിയിച്ചു. പന്നിയിറച്ചി ഭക്ഷ്യയോഗ്യമാണെന്നും അത് കഴിക്കുന്നതുകൊണ്ട് അപകടമില്ലെന്നും എഫ്.എ.ഒ. വ്യക്തമാക്കി.

പന്നിപ്പനി പടരുന്ന സാഹചര്യത്തില്‍ 20 രാജ്യങ്ങള്‍ പന്നിയിറച്ചി ഇറക്കുമതി നിരോധിച്ചിരുന്നു. എച്ച്1എന്‍1 വൈറസ് ഇറച്ചിയിലൂടെയല്ല മനുഷ്യ ശരീരത്തിലെത്തുന്നതെങ്കിലും പനി പടര്‍ന്നതിനെത്തുടര്‍ന്ന് പന്നിയിറച്ചിയും മറ്റുത്പന്നങ്ങളും കഴിക്കാന്‍ ജനങ്ങള്‍ മടിക്കുകയാണുണ്ടായത്. പന്നിയിറച്ചിയിലോ ഇറച്ചി ഉത്പന്നങ്ങളിലോ എച്ച്1എന്‍1 വൈറസ് കണ്ടെത്തിയിട്ടില്ലെന്ന് ഭക്ഷ്യ-കാര്‍ഷിക സംഘടനയിലെ ജോസഫ് ഡൊമെനെഷ് അറിയിച്ചു.

പന്നിപ്പനി-പുതിയ മഹാമാരി

അറിയേണ്ട വസ്തുതകള്‍

പുതിയ വൈറസുകള്‍ എന്നും ഭീഷണി

എന്തുകൊണ്ട് പുതിയ വൈറസുകള്‍

ലിങ്കുകള്‍