പദ്മഭൂഷണ്‍വരെ എത്തിയ ബഹുമതികള്‍
Posted on: 01 Aug 2010
കോട്ടയം:നിരവധി അംഗീകാരങ്ങള്‍, പുരസ്‌കാരങ്ങള്‍; എല്ലാറ്റിലും ഉപരിയായി ജീവിതത്തിന്റെ സമസ്തമേഖലകളിലും ഉള്ളവരില്‍ സൃഷ്ടിച്ച ആദരം. മലയാള മനോരമ ചീഫ് എഡിറ്റര്‍ കെ.എം.മാത്യുവിനെ തേടിയെത്തിയ ബഹുമതികള്‍ ഏറെയാണ്. അത് പദ്മഭൂഷണ്‍ വരെയെത്തി.ഇന്ത്യയിലെ മികച്ച പത്രാധിപര്‍ക്ക് ഇന്ത്യന്‍ എക്‌സ്പ്രസ് ഏര്‍പ്പെടുത്തിയ ബി.ഡി.ഗോയങ്ക അവാര്‍ഡ്, ഫൗണ്ടേഷന്‍ ഫോര്‍ ഫ്രീഡം ഓഫ് ഇന്‍ഫര്‍മേഷന്‍ അവാര്‍ഡ്, വിശിഷ്ടസേവനത്തിനുള്ള കേരള പ്രസ് അക്കാദമിയുടെ പ്രഥമ പുരസ്‌കാരം, രാമകൃഷ്ണ ജയ്ദയാല്‍ ഹാര്‍മണി അവാര്‍ഡ്, ദുര്‍ഗപ്രസാദ് ചൗധരി അവാര്‍ഡ്, സ്വദേശാഭിമാനി പുരസ്‌കാരം, മാര്‍ ഗ്രിഗോറിയോസ് അവാര്‍ഡ്, കേരള മാനേജ്‌മെന്റ് അസോസിയേഷന്റെ മാനേജ്‌മെന്റ് ലീഡര്‍ഷിപ്പ് അവാര്‍ഡ് തുടങ്ങിയ പുരസ്‌കാരങ്ങളാണ് കെ.എം.മാത്യുവിനെ തേടിയെത്തിയത്.
കോഴിക്കോട്: മലയാള മാധ്യമ പ്രവര്‍ത്തനരംഗത്തെ അതികായനായിരുന്നു കെ.എം. മാത്യുവെന്ന് മാതൃഭൂമി മാനേജിങ് എഡിറ്റര്‍ പി.വി. ചന്ദ്രന്‍ അനുശോചനസന്ദേശത്തില്‍ പറഞ്ഞു. പത്രപ്രവര്‍ത്തനത്തില്‍ പ്രൊഫഷണലിസം കൊണ്ടുവന്ന അദ്ദേഹം ഈ രംഗത്തുപ്രവര്‍ത്തിക്കുന്നവര്‍ക്ക് എന്നും മാര്‍ഗദര്‍ശിയായിരുന്നു.
