1965-66 കാലം മുതലുള്ള ആത്മബന്ധമാണ് ഞാനും മാത്തുക്കുട്ടിച്ചായനും തമ്മിലുള്ളത്. ആരെയും പ്രോത്സാഹിപ്പിക്കുന്ന വലിയ മനസ്സിന്റെ ഉടമയാണദ്ദേഹം. 1966-ല്‍ മലയാള മനോരമയില്‍ നടന്ന ചടങ്ങില്‍, അന്ന് രാഷ്ട്രപതിയായിരുന്ന ഡോ.എസ്.രാധാകൃഷ്ണന്‍ ഉള്‍പ്പെടുന്ന വേദിയില്‍, ബാലജനസഖ്യം പ്രസിഡന്റെന്ന നിലയില്‍ എനിക്ക് പ്രസംഗിക്കാന്‍ അവസരം നല്‍കിയത് അദ്ദേഹമാണ്. അന്ന് എന്റെ പ്രസംഗം നന്നായിരുന്നുവെന്ന് രാഷ്ട്രപതി പറഞ്ഞതായി എന്നെ അറിയിച്ചത് മാത്തുക്കുട്ടിച്ചായനായിരുന്നു.