എന്‍.എസ്.എസ്സിന്റെ സുഹൃത്ത് - പണിക്കര്‍
Posted on: 01 Aug 2010
ചങ്ങനാശ്ശേരി: നായര്‍ സര്‍വ്വീസ് സൊസൈറ്റിയേയും തന്നേയും ഒത്തിരിസ്‌നേഹിച്ചിരുന്ന വ്യക്തിയായിരുന്നു കെ.എം. മാത്യുവെന്ന് എന്‍.എസ്.എസ്. ജനറല്‍ സെക്രട്ടറി പി.കെ. നാരായണപ്പണിക്കര്‍ അനുസ്മരിച്ചു.ഒട്ടേറെത്തവണ കെ.എം. മാത്യു പെരുന്നയിലെ എന്‍.എസ്.എസ്. ആസ്ഥാനത്ത് എത്തിയിട്ടുണ്ട്. പത്രലോകത്ത് തന്റേതായ വ്യക്തിമുദ്ര പതിപ്പിച്ച ആളായിരുന്നു കെ.എം. മാത്യു.
പത്രലോകത്തിനതീതമായി സ്‌നേഹബന്ധം പുലര്‍ത്താന്‍ അദ്ദേഹം കാണിച്ച കരുത്ത് നിസീമമാണ്. തര്‍ക്കങ്ങളില്‍ തലവച്ച് സ്‌നേഹബന്ധം തകര്‍ക്കാന്‍ ഇഷ്ടപ്പെട്ടിരുന്നില്ലെന്നതാണ് കെ.എം. മാത്യുവിന്റെ സവിശേഷത. ഇത്തരത്തിലുള്ള ബഹുമുഖ പ്രതിഭകളെ വേര്‍പിരിയുന്നതില്‍ അതിയായ ദുഃഖമുണ്ട്.
മലയാളഭാഷയ്ക്കും കേരളത്തിനും വലിയ നഷ്ടമാണ് അദ്ദേഹത്തിന്റെ വിയോഗംമൂലം ഉണ്ടായത്- നാരായണപ്പണിക്കര്‍ പറഞ്ഞു.
പത്രലോകത്തിനതീതമായി സ്‌നേഹബന്ധം പുലര്‍ത്താന്‍ അദ്ദേഹം കാണിച്ച കരുത്ത് നിസീമമാണ്. തര്‍ക്കങ്ങളില്‍ തലവച്ച് സ്‌നേഹബന്ധം തകര്‍ക്കാന്‍ ഇഷ്ടപ്പെട്ടിരുന്നില്ലെന്നതാണ് കെ.എം. മാത്യുവിന്റെ സവിശേഷത. ഇത്തരത്തിലുള്ള ബഹുമുഖ പ്രതിഭകളെ വേര്‍പിരിയുന്നതില്‍ അതിയായ ദുഃഖമുണ്ട്.
മലയാളഭാഷയ്ക്കും കേരളത്തിനും വലിയ നഷ്ടമാണ് അദ്ദേഹത്തിന്റെ വിയോഗംമൂലം ഉണ്ടായത്- നാരായണപ്പണിക്കര്‍ പറഞ്ഞു.
കോഴിക്കോട്: മലയാള മാധ്യമ പ്രവര്‍ത്തനരംഗത്തെ അതികായനായിരുന്നു കെ.എം. മാത്യുവെന്ന് മാതൃഭൂമി മാനേജിങ് എഡിറ്റര്‍ പി.വി. ചന്ദ്രന്‍ അനുശോചനസന്ദേശത്തില്‍ പറഞ്ഞു. പത്രപ്രവര്‍ത്തനത്തില്‍ പ്രൊഫഷണലിസം കൊണ്ടുവന്ന അദ്ദേഹം ഈ രംഗത്തുപ്രവര്‍ത്തിക്കുന്നവര്‍ക്ക് എന്നും മാര്‍ഗദര്‍ശിയായിരുന്നു.
