വധശ്രമത്തില്‍നിന്ന് രക്ഷപ്പെട്ടത് രണ്ടുതവണ
Posted on: 18 Jan 2010
പശ്ചിമബംഗാളിന്റെ അനിഷേധ്യ നേതാവായി വളരുമ്പോഴും ജ്യോതിബസുവിന്റെ ചോരയ്ക്കുവേണ്ടി ചിലര്‍ ദാഹിച്ചിരുന്നു. 1970ല്‍ രണ്ടു തവണയാണ് അദ്ദേഹം വധശ്രമത്തില്‍നിന്ന് രക്ഷപ്പെട്ടത്. ബംഗാളിലെ 24 പര്‍ഗാന ജില്ലയിലെ ഹരീഷ്പുര്‍ ഗ്രാമത്തില്‍വെച്ചാണ് ആദ്യ ആക്രമണമുണ്ടായത്.
ബസു സഞ്ചരിച്ചിരുന്ന കാറിനുനേരെ മൂന്നുപ്രാവശ്യം അക്രമികള്‍ ബോംബ് വലിച്ചെറിഞ്ഞെങ്കിലും അദ്ദേഹം അത്ഭുതകരമായി രക്ഷപ്പെട്ടു. മാസങ്ങള്‍ക്കുശേഷം ബിഹാറിലെ പട്‌ന റെയില്‍വേസ്റ്റേഷനില്‍വെച്ച് വീണ്ടും വധശ്രമമുണ്ടായി.
വെടിയുണ്ട ലക്ഷ്യംതെറ്റിയതു കൊണ്ടുമാത്രം ബസു രക്ഷപ്പെട്ടു. എന്നാല്‍ ഈ ആക്രമണത്തില്‍ ബസുവിനെ റെയില്‍വേസ്റ്റേഷനില്‍ സ്വീകരിക്കാനെത്തിയ എല്‍.ഐ.സി. ജീവനക്കാരനായ പാര്‍ട്ടി സഖാവ് കൊല്ലപ്പെടുകയുണ്ടായി. വാര്‍ത്തയറിഞ്ഞ് പശ്ചിമബംഗാള്‍ നിശ്ചലമായി. ആരും ആഹ്വാനം ചെയ്യാതെ സംസ്ഥാനം സ്വയംപ്രഖ്യാപിത ഹര്‍ത്താലിനു സാക്ഷ്യംവഹിച്ചു.
1981ല്‍, ആനന്ദമാര്‍ഗികള്‍ എന്ന സംന്യാസി വിഭാഗം ബസുവിനെ വധിക്കാന്‍ ഗൂഢാലോചന നടത്തിയതായി രഹസ്യാന്വേഷണ റിപ്പോര്‍ട്ടുകളുണ്ടായിരുന്നു.
ബസു സഞ്ചരിച്ചിരുന്ന കാറിനുനേരെ മൂന്നുപ്രാവശ്യം അക്രമികള്‍ ബോംബ് വലിച്ചെറിഞ്ഞെങ്കിലും അദ്ദേഹം അത്ഭുതകരമായി രക്ഷപ്പെട്ടു. മാസങ്ങള്‍ക്കുശേഷം ബിഹാറിലെ പട്‌ന റെയില്‍വേസ്റ്റേഷനില്‍വെച്ച് വീണ്ടും വധശ്രമമുണ്ടായി.
വെടിയുണ്ട ലക്ഷ്യംതെറ്റിയതു കൊണ്ടുമാത്രം ബസു രക്ഷപ്പെട്ടു. എന്നാല്‍ ഈ ആക്രമണത്തില്‍ ബസുവിനെ റെയില്‍വേസ്റ്റേഷനില്‍ സ്വീകരിക്കാനെത്തിയ എല്‍.ഐ.സി. ജീവനക്കാരനായ പാര്‍ട്ടി സഖാവ് കൊല്ലപ്പെടുകയുണ്ടായി. വാര്‍ത്തയറിഞ്ഞ് പശ്ചിമബംഗാള്‍ നിശ്ചലമായി. ആരും ആഹ്വാനം ചെയ്യാതെ സംസ്ഥാനം സ്വയംപ്രഖ്യാപിത ഹര്‍ത്താലിനു സാക്ഷ്യംവഹിച്ചു.
1981ല്‍, ആനന്ദമാര്‍ഗികള്‍ എന്ന സംന്യാസി വിഭാഗം ബസുവിനെ വധിക്കാന്‍ ഗൂഢാലോചന നടത്തിയതായി രഹസ്യാന്വേഷണ റിപ്പോര്‍ട്ടുകളുണ്ടായിരുന്നു.
