ലാദനെക്കൊല്ലുമ്പോള്‍ ഐ.എസ്.ഐ.ക്കാര്‍ സ്ഥലത്തുണ്ടായിരുന്നുവെന്നും വാദം
Posted on: 03 May 2011
ലണ്ടന്‍: ലാദനെ കൊല്ലാന്‍ യു.എസ്. ഇസ്‌ലാമബാദില്‍ നടത്തിയ ആക്രമണം നടക്കുമ്പോള്‍ ഐ.എസ്.ഐ.യിലെയും പാക് രഹസ്യാന്വേഷണ വിഭാഗത്തിലെയും അംഗങ്ങള്‍ സ്ഥലത്തുണ്ടായിരുന്നുവെന്ന് മുതിര്‍ന്ന പാക് ഇന്‍റലിജന്‍സ് ഉദ്യോഗസ്ഥന്‍ പറഞ്ഞു. എന്നാല്‍, ആരാണ് ലാദനെ വെടിവെച്ചിട്ടതെന്ന് അറിയില്ലെന്ന് അദ്ദേഹം പറഞ്ഞു.
ആബട്ടാബാദ് ആക്രമണത്തെക്കുറിച്ച് പാകിസ്താന് അറിവില്ലായിരുന്നു എന്ന വാര്‍ത്തകള്‍ യു.കെ.യിലെ പാക് ഹൈക്കമ്മീഷണര്‍ വാജിദ് ഷംസുല്‍ ഹസന്‍ നിഷേധിച്ചു. ഈ വാര്‍ത്തകള്‍ താന്‍ വിശ്വസിക്കുന്നില്ലെന്ന് ബി.ബി.സി.ക്ക് നല്‍കിയ അഭിമുഖത്തില്‍ അദ്ദേഹം പറഞ്ഞു. പാക് അധികൃതരും സി.ഐ.എ.യും യു.എസ്. രഹസ്യാന്വേഷണ വിഭാഗവും 24 മണിക്കൂറും ഒരുമിച്ചാണ് പ്രവര്‍ത്തിക്കുന്നതെന്നും അവര്‍ക്കിടയില്‍ പരിപൂര്‍ണ സഹകരണമാണുള്ളതെന്നും അദ്ദേഹം ചൂണ്ടിക്കാട്ടി.
ലാദനെ ഇസ്‌ലാമാബാദില്‍ നിന്ന് പിടികൂടിയെന്നു വെച്ച് ഇന്ത്യ പാകിസ്താനു നേരെ ആരോപണങ്ങള്‍ ഉന്നയിക്കാന്‍ തുടങ്ങേണ്ടതില്ലെന്ന് അദ്ദേഹം പറഞ്ഞു.
