ആലപ്പുഴ: അമ്പത്തിയെട്ടാമത് നെഹ്‌റു ട്രോഫി വള്ളംകളിയ്ക്കുള്ള ഒരുക്കങ്ങള്‍ പൂര്‍ത്തിയായി. ശനിയാഴ്ച ഉച്ചകഴിഞ്ഞ് രണ്ട് മണിയ്ക്കാണ് പുന്നമടക്കായലില്‍ വള്ളംകളി നടക്കുക. രാഷ്ട്രപതി പ്രതിഭാ പാട്ടീല്‍ വിശിഷ്ടാതിഥിയായി എത്തുന്ന ഉദ്ഘാടനച്ചടങ്ങില്‍ സംസ്ഥാനമന്ത്രിമാരും ജനപ്രതിനിധികളും പങ്കെടുക്കും.

ശനിയാഴ്ച ഉച്ചകഴിഞ്ഞ് രണ്ട് മണിയ്ക്കാണ് പുന്നമടക്കായലില്‍ വള്ളംകളി നടക്കുക. നെഹ്‌റുവിന്റെ കയ്യൊപ്പ് പതിഞ്ഞ ട്രോഫി നേടാനായി 16 ചുണ്ടന്‍ വള്ളങ്ങളാണ് അണിനിരക്കുക. അറുപതിലധികം വള്ളങ്ങളാണ് ഈ വര്‍ഷത്തെ വള്ളംകളിയില്‍ പങ്കെടുക്കുക. ജേതാക്കള്‍ക്ക് രാഷ്ട്രപതി പ്രതിഭാ പാട്ടീല്‍ ട്രോഫി സമ്മാനിക്കും. അതീവ സുരക്ഷാ ക്രമീകരണങ്ങളാണ് പോലീസ് ഒരുക്കിയിട്ടുള്ളത്.