കുടുംബജീവിത വിദ്യാഭ്യാസത്തിന്റെ ഭാഗമായി ഓരോ പ്രായത്തിനും അനുസരിച്ച് കുട്ടികളുടെ സംശയങ്ങള്ക്ക് ലളിതമായി ഉത്തരങ്ങള് നല്കേണ്ടതാണ്. വളര്ച്ചയുടെ ഘട്ടങ്ങള് ആണ്കുട്ടികളെയും പെണ്കുട്ടികളെയും പറഞ്ഞുമനസ്സിലാക്കേണ്ടതാണ്. കൂട്ടുകാരില്നിന്നും മറ്റും ലൈംഗികതയെക്കുറിച്ച് തെറ്റായ വിവരങ്ങള് ലഭിക്കുന്ന കുട്ടികള്ക്ക് ഭാവിജീവിതത്തില് പ്രശ്നങ്ങള് ഉണ്ടാകാം. കൗമാരപ്രായത്തില് ലൈംഗികതയെക്കുറിച്ചുള്ള ശാസ്ത്രീയവിവരങ്ങള് പറഞ്ഞുകൊടുക്കേണ്ടതാണ്. മറ്റുള്ളവരില്നിന്നുമുള്ള ലൈംഗിക ചൂഷണം ഒഴിവാക്കാന് ഇത് കുട്ടികളെ സഹായിക്കും.