പന്നികളെ ബാധിക്കുന്ന ശ്വാസകോശരോഗമാണ് പന്നിപ്പനി. പന്നികളെ ഇടയ്ക്കിടെ രോഗം ബാധിക്കാറുണ്ടെങ്കിലും സാധാരണഗതിയില്‍ മനുഷ്യര്‍ക്ക് രോഗം വരാറില്ല. മനുഷ്യര്‍ക്ക് രോഗം പകര്‍ന്ന ഒറ്റപ്പെട്ട സംഭവങ്ങള്‍ പക്ഷേ, മുമ്പ് ഉണ്ടായിട്ടുണ്ട്. 2005-2009 കാലത്ത് അമേരിക്കയില്‍ 12 പേരെ പന്നിപ്പനി ബാധിച്ചു. ആര്‍ക്കും ജീവഹാനിയുണ്ടായില്ല. 1988-ല്‍ അമേരിക്കയില്‍ ഒരു സ്ത്രീ രോഗംബാധിച്ച് മരിച്ചു. 1976-ല്‍ അമേരിക്കയില്‍ തന്നെ 200 പേരെ പന്നിപ്പനി ബാധിച്ചു. അന്നും ഒരാള്‍ മരിക്കുകയുണ്ടായി. മനുഷ്യരില്‍ നിന്ന് മനുഷ്യരിലേക്ക് വായുവിലൂടെ സംക്രമിക്കാന്‍ ശേഷിയുള്ള രീതിയില്‍ പന്നിപ്പനി വൈറസ് അപകടകാരികളായി മാറിയിരിക്കുന്നു എന്നതാണ് ഇപ്പോള്‍ ഭീതി പരത്തുന്നത്. മനുഷ്യരില്‍ ഫ്ലവിന്റെ ലക്ഷണങ്ങളാണ് തുടക്കത്തില്‍ കാണുക. ശക്തമായ പനി, ചുമ, കഫക്കെട്ട്, തൊണ്ടവീക്കം, ശരീരവേദന, തലവേദന, കുളിര്, ക്ഷീണം എന്നിവയൊക്കെ ഉണ്ടാകാം. ചില രോഗികളില്‍ ശര്‍ദിയും വയറിളക്കവും പ്രത്യക്ഷപ്പെടാം. രോഗം മൂര്‍ച്ഛിക്കുന്നതോടെ ശ്വാസതടസ്സമുണ്ടാവുകയും അത് ന്യുമോണിയയായി മാറി ചിലപ്പോള്‍ രോഗി മരിക്കാം.
-ജെ.എ
ലോകത്തിന്റെ ഉറക്കംകെടുത്തിക്കൊണ്ട് പുതിയൊരു വൈറസ് പ്രത്യക്ഷപ്പെട്ടിരിക്കുന്നു. പന്നികളില് നിന്ന് ..
