അവസാനിച്ചത് സംഭവബഹുലമായ ഒരു കാലഘട്ടം-പി.വി. ഗംഗാധരന്
Posted on: 01 Aug 2010
കോഴിക്കോട്: മലയാള മനോരമ ചീഫ് എഡിറ്റര് കെ.എം. മാത്യുവിന്റെ വേര്പാടോടെ സംഭവബഹുലമായ കാലഘട്ടമാണ് അവസാനിച്ചതെന്ന് ഫിയാഫ് ഫസ്റ്റ് വൈസ് പ്രസിഡന്റും 'മാതൃഭൂമി' ഡയറക്ടറുമായ പി.വി. ഗംഗാധരന് അനുശോചന സന്ദേശത്തില് പറഞ്ഞു.
കേരളത്തിന്റെ പൊതുജീവിതത്തില് അരനൂറ്റാണ്ടുകാലം നിറഞ്ഞുനിന്നിരുന്ന മറ്റൊരു പത്രാധിപരില്ല. മലയാള പത്രപ്രവര്ത്തനമേഖലയ്ക്ക് പുതിയ രൂപവും ഭാവവും പകര്ന്ന അദ്ദേഹത്തിന്റെ സേവനങ്ങള് ഒരിക്കലും വിസ്മരിക്കാനാവില്ല. അതുകൊണ്ടുതന്നെ അദ്ദേഹത്തിന്റെ വേര്പാട് നികത്താനാവാത്തതാണ്-അദ്ദേഹം പറഞ്ഞു.
സ്വന്തം ജീവനക്കാരെ കുടുംബാംഗങ്ങളെപ്പോലെ കണ്ട പത്രാധിപര് സ്നേഹംകൊണ്ടാണ് എല്ലാവരെയും കീഴടക്കിയത്. കണ്ടത്തില് കുടുംബവുമായി തന്റെ കുടുംബത്തിനുണ്ടായിരുന്ന ദൃഢമായ ബന്ധം അനുസ്മരിച്ച പി.വി. ഗംഗാധരന് സ്നേഹസമ്പന്നനായ ഒരു കാരണവരെയാണ് നഷ്ടപ്പെട്ടതെന്നും പറഞ്ഞു.
മാറുന്ന പത്രപ്രവര്ത്തനമേഖലയില് ഒന്നിനൊന്ന് പ്രഗത്ഭരായ മക്കളിലൂടെ-മാമ്മന്, ഫിലിപ്പ്, ജേക്കബ് എന്നിവരിലൂടെ മലയാളത്തിലെ എക്കാലത്തെയും വലിയ ഈ പത്രാധിപര് എന്നും ജീവിക്കുമെന്നും അദ്ദേഹം അനുസ്മരിച്ചു.
കേരളത്തിന്റെ പൊതുജീവിതത്തില് അരനൂറ്റാണ്ടുകാലം നിറഞ്ഞുനിന്നിരുന്ന മറ്റൊരു പത്രാധിപരില്ല. മലയാള പത്രപ്രവര്ത്തനമേഖലയ്ക്ക് പുതിയ രൂപവും ഭാവവും പകര്ന്ന അദ്ദേഹത്തിന്റെ സേവനങ്ങള് ഒരിക്കലും വിസ്മരിക്കാനാവില്ല. അതുകൊണ്ടുതന്നെ അദ്ദേഹത്തിന്റെ വേര്പാട് നികത്താനാവാത്തതാണ്-അദ്ദേഹം പറഞ്ഞു.
സ്വന്തം ജീവനക്കാരെ കുടുംബാംഗങ്ങളെപ്പോലെ കണ്ട പത്രാധിപര് സ്നേഹംകൊണ്ടാണ് എല്ലാവരെയും കീഴടക്കിയത്. കണ്ടത്തില് കുടുംബവുമായി തന്റെ കുടുംബത്തിനുണ്ടായിരുന്ന ദൃഢമായ ബന്ധം അനുസ്മരിച്ച പി.വി. ഗംഗാധരന് സ്നേഹസമ്പന്നനായ ഒരു കാരണവരെയാണ് നഷ്ടപ്പെട്ടതെന്നും പറഞ്ഞു.
മാറുന്ന പത്രപ്രവര്ത്തനമേഖലയില് ഒന്നിനൊന്ന് പ്രഗത്ഭരായ മക്കളിലൂടെ-മാമ്മന്, ഫിലിപ്പ്, ജേക്കബ് എന്നിവരിലൂടെ മലയാളത്തിലെ എക്കാലത്തെയും വലിയ ഈ പത്രാധിപര് എന്നും ജീവിക്കുമെന്നും അദ്ദേഹം അനുസ്മരിച്ചു.
കോഴിക്കോട്: മലയാള മാധ്യമ പ്രവര്ത്തനരംഗത്തെ അതികായനായിരുന്നു കെ.എം. മാത്യുവെന്ന് മാതൃഭൂമി മാനേജിങ് എഡിറ്റര് പി.വി. ചന്ദ്രന് അനുശോചനസന്ദേശത്തില് പറഞ്ഞു. പത്രപ്രവര്ത്തനത്തില് പ്രൊഫഷണലിസം കൊണ്ടുവന്ന അദ്ദേഹം ഈ രംഗത്തുപ്രവര്ത്തിക്കുന്നവര്ക്ക് എന്നും മാര്ഗദര്ശിയായിരുന്നു.
