a Mathrubhumi initiative
കേരളത്തിനിണങ്ങിയ ചേമ്പിനങ്ങള്
Posted on: 15 Sep 2012
മുമ്പൊക്കെ നമ്മുടെ ഓരോ വീടിന്റെയും പിന്നാമ്പുറങ്ങളില് ഒരു ചേമ്പെങ്കിലും ഉണ്ടായിരുന്നു. ഏതെങ്കിലും ഭക്ഷണത്തില് ചേമ്പ് തണ്ടിന്റെയോ, കിഴങ്ങിന്റെയോ ഒക്കെ രൂപത്തില് ഉള്പ്പെട്ടിരുന്നു. കേരളത്തിന് യോജിക്കുന്ന നാലിനങ്ങളെ പരിചയപ്പെടാം.ശ്രീരശ്മി
ഈ ഇനത്തിന്റെ എല്ലാ ഭാഗങ്ങളും അതായത് തണ്ടുകള്, ഇലകള്, തള്ളച്ചേമ്പ്, പിള്ളച്ചേമ്പ് എന്നിവയെല്ലാംത്തന്നെ ഭക്ഷ്യയോഗ്യമാണ്. കിഴങ്ങിന് നല്ല വഴുവഴുപ്പുണ്ടാക്കുകയും ചെയ്യും. മെയ്-ജൂണാണ് നടീല്ക്കാലം. വിളവെടുപ്പിന് എട്ടുമാസം കാത്തിരിക്കണം. ഒരു ഹെക്ടറില് നിന്ന് 15-19 ടണ് ചേമ്പാണ് ലഭിക്കുക.
ശ്രീപല്ലവി
ഇവയുടെ പിള്ളച്ചേമ്പ് അഥവാ ചേമ്പിന് വിത്തുകള് രുചികരവും നീല കാമ്പോടുകൂടിയവയുമാണ്. വാട്ടരോഗം പ്രതിരോധിക്കാന് ശേഷിയുള്ള ഇനമാണിത്. എന്നാല് ചേമ്പിന് വിത്തൊഴികെയുള്ള ഭാഗങ്ങളൊന്നും തന്നെ ഭക്ഷ്യയോഗ്യമല്ല. 12-15 ടണ് ഹെക്ടറില് നിന്ന് ലഭിക്കുന്ന ഇവയുടെ കാലാവധി ഏഴ്-എട്ട് മാസമാണ്.
ശ്രീകൃപ
വലിയ ചേമ്പിന് വിത്തുകളുണ്ടാകുന്ന ഇവയുടെ തണ്ടുകള്ക്ക് പര്പ്പിള് നിറം കലര്ന്നിട്ടുണ്ട്. കറികള്ക്ക് ഏറ്റവും അനുയോജ്യമായ ഈ ഇനത്തില് നിന്ന് 15-16 ടണ് വിളവാണ് ഹെക്ടറില് നിന്ന് ലഭിക്കുക. 200-220 ദിവസങ്ങളാണ് ശ്രീകൃപയുടെ കാലാവധി.
ശ്രീകിരണ്
പര്പ്പിള് നിറം കലര്ന്ന ഇലകളും തണ്ടുകളുമുള്ള ഇവയുടെ ചേമ്പിന് വിത്തുകള് ഉരുണ്ടതും കാമ്പ് വെളുത്തതുമാണ്. ഹെക്ടറില് നിന്ന് 16.6 ടണ് വിളവെങ്കിലും ലഭിക്കും. 190-200 ദിവസത്തിനുള്ളില് ചേമ്പ് പറിച്ചെടുക്കാം.
വിജയശ്രീ വി, കാര്ഷികകോളേജ്, വെള്ളായണി
Stories in this Section